قدم الخبير الاقتصادي معز حديدان اليوم الاثنين 16 جانفي 2023، توضيحات حول التوقعات بتسجيل انخفاض قيمة صرف الدولار واليورو، وحول الارتفاع المرتقب لسعر صرف الدينار التونسي.وقال حديدان:” هو تقلص العجز متاع 2023، هو من بين العوامل ارتفاع قيمة الدينار مقابل الدولار، الساعة بالنسبة للانخفاض اللي يشهدو الدولار والأورو هو عملية تصحيحية…
اليوم التوقعات هي أنو ماشين في انخفاض نوعا ما من التضخم على المستوى العالمي وخاصة في البلدان هاذوما، إذن بصفة استباقية المستثمرين اللي يستثمروا في صرف العملة، يقوموا بعملية استباقية، لأنو ربما بعد بضعة أشهر بش يبدا نظام الاحتياطي الفدرالي يخفض في سعر الفائدة ولذلك هناك عمليات استباقية أنو يقوموا المتعاملين ببيع الدولار وكذلك بالنسبة للأورو بش يشهد نزول كذلك لأنو متوقع في 2023 أنو نسبة النمو بش تكون أقل من 0.5 بالميا، في منطقة الأورو، بش يخلي الأورو يطيح، إذن العملية هاذيا استفادت منها العديد من العملات وخاصة الدينار التونسي، هاذي حاجة أنو الدينار إذا كان بش يتحسن نعرفوا اللي أحنا عنا واردتنا بالدولار والأورو، هذا إذن بش يخفض نوعا ما في قيمة الواردات متاع تونس، زيد على هذا نعرفو اللي سنة 2022، نعرفو كان فيها ارتفاع في أسعار البترول والحبوب، أحنا في سنة 2022 عملنا رقم قياسي في عجز الميزان التجاري، 25 مليار دينار، عمرنا ما فتنا الـ20 مليار دينار، وشطر الـ25 مليار دينار منهم 10.4 مليار دينار جاي مالطاقة و4 مليار من الحبوب فقط ، وهاذوما أسعارهم كان عرفو ارتفاع كبير واليوم فما انفراج نوعا ما في الأسعار”…
